A praia da Madalena está situada no dique que canaliza a desembocadura do río Eume. Ten 1.100 metros de lonxitude e unha anchura media de 50 m. De area branca e augas tranquilas. Ten ao seu carón un extenso e frondoso piñeiral, no que tamén hai lugar para outras especies, como a sobreira, e onde existen mesas e bancos para xantar. Dispón de servizo de socorrismo no verán, acceso para persoas con mobilidade reducida e unha ampla oferta hostaleira.