Parroquia: Santo André de Cabanas
Lugar: Areal
Coordenadas xeográficas:

O Cruceiro do Arenal, construído en granito, ten a planta octogonal con dous banzos. Sobre estes descansa un pedestal exagonal. Unha basea cadrada, composta por dous touros e unha escocia, sostén un fuste octogonal que se volve cadrado nos extremos. Na cara frontal o fuste presenta unha flor de catro puntas como elemento decorativo. O capitel esta formado por un equino e un ábaco e soporta a cruz, na que están representados, nun lado, Cristo crucificado con tres cravos e a cabeza lixeiramente ladeada á dereita, no outro, unha imaxe da Virxe coas mans colocadas para orar e a cabeza ladeada cara á esquerda. En cada un dos extremos da cruz pódese ver unha flor de oito puntas.