A igrexa de Santa Cruz de Salto é un edificio de estilo barroco, pero construído xa no século XIX, moi sinxelo e de marcado carácter popular. A súa planta é rectangular, alterada co engadido dunha capela lateral. A nave posúe un teito de madeira, con tellado a dúas augas e unha pequena espadana no centro da súa fachada. As súas pequenas campás foron fabricadas nos anos 1847 e 1889.

O templo rodéase por un pequeno pero fermoso adro onde se localiza o cemiterio parroquial e un impresionante teixo que supera en altura á igrexa.

Parroquia: Santa Cruz de Salto

Lugar: Relousada

Coordenadas:43.44448, -8.13966.

Acceso: Saíndo desde a marxe dereita da ponte sobre o río Eume, tómase a estrada AC-564 en dirección nordeste. Despois de cinco quilómetros vírase á esquerda pola estrada de Fonfría e continúase pola mesma vía un quilómetro máis. A igrexa está á esquerda da estrada.

Accesibilidade: Pódese chegar en vehículo ata a porta do adro da igrexa de Salto.

Puntos fortes: O gran teixo do adro da Igrexa.

Puntos débiles:  O templo permanece pechado excepto durante os exercicios relixiosos.