A praia de Chamoso é un pequeno areal de 160 metros de lonxitude, moi recollido e de augas tranquilas, delimitada por cantís erosionados a causa da acción continuada do mar. Trátase dun espazo de gran beleza onde se alterna o rochedo de xisto con zonas de area.

Chamoso está incluída dentro do denominado sendeiro da Costa, xunto con outros elementos do concello de Cabanas como a praia da Madalena ou a desembocadura do río Castro e posúe o selo de  “Praia sen fume”.

Parroquia: San Martiño de Porto

Lugar: Chamoso

Coordenadas xeográficas: 43.42086, -8.17944. 

Acceso: Chégase a esta praia pola estrada AC-122, en dirección Fene. Poucos , hai que coller unha pista á esquerda polo chamado camiño de Chamoso. Despois de pasar por debaixo do viaduto do tren, hai unha zona de aparcamento a man esquerda. Desde aquí sae un camiño de terra que leva ata a praia á que se accede desde unhas escaleiras.

Accesibilidade: Pódese chagar con vehículo ata uns 100 metros de distancia da praia de Chamoso, onde hai unha pequena área para estacionar. A baixada ao areal faise por un camiño de terra e a través dunhas escaleiras de madeira. O acceso non está habilitado para persoas con mobilidade reducida.

Puntos fortes: Lugar de grande beleza paisaxística.

Puntos débiles: Carece de acceso para persoas con mobilidade reducida.